طريقة تسريع ارشفة بلوجر - شرح ارشفة بلوجر بطريقة اسرع

طريقة تسريع ارشفة بلوجر - شرح ارشفة بلوجر بطريقة اسرع






اذا كنت بتدور علي طريقة لـ تسريع ارشفة بلوجر او طريقة لـ تسريع فهرسة موقعك ، خليني أقولك ان الحمد لله انت وصلت للمكان الصحيح .
هساعدك النهاردة ان شاء الله ازاي تعرف شوية اجابات مهمة ليك و لموقعك ، بس في البداية خليني اقولك ان الموضوع متعلق بمدونات بلوجر بس انت تقدر تتطبق نفس الخوارزميات علي أي منصة تانية .
ممكن تسأل نفسك :



  • علاج مشكلة بطئ أرشفة مدونتي او موقعي !
  • طريقة تسريع مدونة بلوجر
  • سبب بطئ أرشفة مدونة بلوجر
  • كيفية تسريع مدونة بلوجر
  • لماذا جوجل لا يؤرشف مدونتي بسرعة .
  • طريقة تسريع مدونة بلوجر بشكل صاروخي
  • تدويناتي الجديدة لا تتأرشف سريعاً في محرك البحث .
  • تسريع مدونة بلوجر الى اعلى درجة.
  • طريقة تسريع ارشفة مدونة بلوجر .
  • كود تسريع المدونة بلوجر


بس خلينا قبل ما نبدأ مقال النهاردة ونتكلم عن ازاي تخلي مدونتك سريعة ، خليني اشرح حاجة بسيطة :)

أكثر حاجة ممكن تبسط صاحب المدونة ان التدوينات اللي بيكتبها يتم أرشفتها بشكل سريع ، وتعتبر من أهم طلبات البحث عند أصحاب المدونات انه يفضل يدور كل يوم عن طريقة جديدة لتسريع مدونة بلوجر او مدونته بشكل عام.

مين فينا ما بيدورش علي رضا عملاق البحث ( غوغل ) !!

طبعاً كلنا بنحاف ان محرك البحث العملاق ( جوجل ) ما يهمتش بموقعنا لأنه ببساطة
" اهتمام جوجل = أرشفة سريعة "
و " أرشفة سريعة + محتوي جيد = زوار اكثر "

قبل ما تبدأ تكتب مقالة جديدة او تدوينة جديدة علي موقعك ، انصحك ابدأ اهتم الأول بحاجات أهم زي اساسيات SEO في موقعك .

من أساسيات التدوين ان صاحب المدونة يكون الدافع لديه ان موقعه يكون محبوب لـ محركات البحث و ان  العلاقة بينهم تكون افضل .. وبكدة مدونتك هتنال رضا عناكب البحث و حبها و ثقتها .

ومن أهم مظاهر حب عناكب البحث لمدونتك انه يتم أرشفة تدويناتك بسرعة

فكلما كانت ارشفة تدوينتك أسرع كان هذا مؤشر حب و ثقة بين مدونتك و بين عناكب البحث .

 و لكن اكثر الناس اخواتنا المبتدئين في عالم بلوجر والمواقع ما بيهتموش كثير بسرعة موقعه  و لا يهتم بتهيئة موقعه تهيئة سليمة و لا يهتم بالتوافق مع اساسيات SEO

وفي الاخر ما بيقدرش يحصل علي زوار كثير وبالتالي دة بيخليه يهرب من التدوين وبيحس بملل لأنه بيحس ان عملية اكتساب الزوار شئ مستحيل ، ودة غلط حقيقي !!

الحقيقة هنا انه لم يهتم بالمدونة بتاعته اهتماماً كافياً و اهتماماً يليق بأنه يخلي عناكب البحث تحب مدونتك .

من مميزات حب عناكب البحث الي مدونتك انها تجعل ارشفة مدونتك أسرع

و قد يكون أقوي و ذلك من خلال السيطرة علي كلمات بحثية قوية في وقت قصير .

ودا طبعاً هيرجع لك بالفائدة سواء كانت مادية أو معنوية .

و كنت قد قرأت في تدوينات عربية كثيرة عن افضل الطرق لتسريع ارشفة بلوجر بطريقة علمية صحيحة

 لكني للأسف لم أجد تدوينات تتكلم بمفهوم صحيح و مواكب لـ علم SEO

ولكن بعضهم يتكلم عن طرق نسميها بلاك هات سيو او Black Hat Seo او طرق لف ودوران علي محرك البحث .

ودة طبعاً مخالف جداً لمحركات البحث .

اذا لم يتم اكتشاف مخالفتك لقوانين محركات البحث قريباً عن طريق استعمالك لبعض طرق البلاك هات سيو ، سوف يتم اكتشافها فيما بعد و حينما يكتشف جوجل مخالفاتك لقوانينه و تعمد مخالفتك لقواعد لعبة الأرشفة ، بالتالي سيتم حظر الكثير من زوار موقعك و سوف تقع تحت طائلة  - " المدونات المُعاقبة " - و هذا ما لا نتمناه .


خطوات تسريع ارشفة المدونة :

لو بتواجه مشكلة تأخير ارشفة موقعك و فهرسة الموقع ، أنصحك تتابع الخطوات السهلة والبسيطة اللي هتساعدك في تسريع مدونة بلوجر بكل سهولة و بكل سرعة .

لو طبقت خطوات تسريع ارشفة الموقع مش بس هتقدر تستفيد ان ارشفة موقعك هتكون زي الصاروخ ، لاء !!

كمان انت ممكن تقدر تـ rank او تسيطر علي كلمات في محركات البحث بقوة .

خلينا ندخل في الخطوات بسرعة ومن غير كلام كثير :


1 - استخدم مواقع التواصل الاجتماعي و مواقع البوك مارك :


أول نصيحة هنصحها لك هي مواقع التواصل الاجتماعي و مواقع البوك مارك، لأن اغلب مواقع التواصل الاجتماعي بتحمل وسم DOFOLLOW ودة وسم بيتيح لمحركات البحث انها تتبع رابط مدونتك .

لازم يكون لموقعك علي منصات التواصل الاجتماعي أكونت بنفس الاسم ، وتربطهم ببعض .

انت عارف طبعاً ان مواقع التواصل الاجتماعي النهاردة بقت #رقم 1 من حيث اجتماع الناس هناك عليها وتداول الأخبار عليها .

عن طريق استغلالك السليم لمواقع التواصل الاجتماعي مثل ( الفيس بوك - انستجرام - تويتر ) وغيرهم طبعاً من المواقع الكثير هتقدر تستفيد بأنه تنشر الراوبط الخاصة بمدوناتك علي مواقع التواصل الاجتماعي .

بس انت كدة هتستفيد ايه لو نشرت رابط مدونتك علي مواقع التواصل الاجتماعي !!

انا هوضح لك !

في نقطتين مهمين جداً انت هتستفيدهم لما تنشر موقعك او رابط مدونتك علي مواقع التواصل الاجتماعي !!

اول سبب : هتقدر تكتسب جمهور بيدور علي محتوى زي اللي انت بتقدمه 

هتقولي ازاي هقدر اجيب ناس من علي مواقع التواصل !!
هقولك بكل بساطة ، انشر بس وما تشتغلش بالك !!

انت مش عارف ان مواقع التواصل الاجتماعي الناس بتقدر من خلالها تعمل search عليها !!

محركات البحث الخاصة بمواقع التواصل الاجتماعي كمان ذكيه برضه وبتحاول تواكب الذكاء الصناعي لمحركات البحث الخاصة بجوجل مثلاً .

هتقدر محركات البحث الخاصة بمواقع التواصل الاجتماعي تعمل لك ظهور للناس المهمة واللي بتدور علي محتوي زي محتواك علي مواقع التواصل الاجتماعي .

تاني سبب : هتقدر تجيب عناكب بحث جديدة من مواقع التواصل الاجتماعي :

ايوة زي ما قرأت كدة !

محركات البحث زي جوجل و Bing و غيرهم قاعدين 24 ساعة زيينا علي مواقع التواصل بيعملو indexing للمحتوي اللي هناك 

عناكب محركات البحث "robots" بتحاول تتواجد علي مواقع التواصل الاجتماعي عشان يفهمو اكثر عن سلوكيات الناس 
ويفهمو احنا بندور علي ايه وبنحب ايه وبالتالي هما كمان يطورو من منتجاتهم !

طيب لما انت تنشر رابط مدوناتك علي مواقع التواصل الاجتماعي ، غالباً هتقدر تجيب عناكب جديدة لموقعك تأرشف موقعك بسرعة.

بس مش دة كل حاجة !!

ايوة مش كل حاجة ، وعارف ان انا قولت فيه سببين بس وقولتهم ، لكن فيه حاجة مهمة لازم تعرفها وتعرف انت ليه لازم تنشر موقعك او مدونتك علي مواقع التواصل الاجتماعي !

محركات البحث ( Google ) وغيرها بيقيسو نجاح موقعك بعدة عوامل ، والعوامل دي منها : 
social signal او الاشارة لموقعك علي مواقع التواصل .

كل ما يكون فيه ناس عاملة شير لموقعك او مدونتك علي مواقع التواصل دة معناه ان محركات البحث بتشوف ان مدونتك محبوبة للناس وبالتالي هي كمان بتحبك 



قائمة بـ أفضل 10 مواقع اجتماعية قد تساعد مدونتك في زيادة سرعة أرشفتها :







2 - اشترك في موقع فيدبرنر Feedburner :


مما لا شك فيه انك قد تكون سمعت عن رابط الـ RSS و ماهو وظيفته و ماذا يمكن ان يساعد مدونتك ، فهو وسيلة جيدة لكي تربح الكثير من الزوار المهتمين بالحصول علي تدوينات جديدة و حصرية و ثق تماما انه اذا كان محتوي مدونتك حصري و جديد سوف تكتسب كل يوم زوار اكثر .
اذا كنت تهتم بأن تجعل رابط الار اس اس RSS الخاص بمدونتك أن يكون أكثر فعالية اذن اشترك في موقع فيدبرنر و يمكنك زيارة الشرح عن طريق الموضوع



3 - الاشتراك في موقع أدوات مشرفي المواقع جوجل :


موقع أدوات مشرفي المواقع من جوجل هو يساعد كل أصحاب المواقع في تحليل نتائج البحث للموقع

كما هو يساعدك في الحصول علي افضل ارشادات يمكنك ان تتبعها للحصول علي ارشفة سريعة و ارشفة مستقرة .

فاذا كنت تبحث عن طريقة تسريع مدونة بلوجر بطريقة جيدة اذن ما عليك فعله الاشتراك

و اتبع كل ما يطلبه منك من ارشادات .



4 - أكتب محتوي عالي الجودة :


كنا زمان بنسمع " خبراء الارشفة الاجنبية" بيقولو دايماً ان المحتوي لابد ان يكون جديد

لكن سرعان ماتغير هذا المفهوم الي ان المحتوي لابد ان يكون عالي الجودة

وذلك ليس فقط جديد و انما لابد ان يكون محتوي جيد

و المقصود هنا بمحتوي عالي الجودة ان يكون المحتوي مفيد

فـ علي قدر جودة المحتوي سوف يتم تقييم مدونتك من قبل محركات البحث .

وقد يتسائل البعض كيف تعرف جوجل عن ان محتوي التدوينة جيد او محتوي فقير .

الاجابة علي هذا السؤال تحتاج الي موضوع مفصل ولكني سأحاول ان اختصر

" محرك بحث جوجل لديها لوغاريتمات الخاصة بها و اللي بتقدر من خلالها انها تقدر تعرف اذا كان محتوي مدونتك جيد ام ضعيف ."
ودة عن طريق عدة عوامل منها :

  1.  اداء الـ user أو الزائر في مدونتك ، بيقضي وقت كبير ولا بيخلع بسرعة 
  2. محتوى مدونتك يكون جديد ومش موجود قبل كدة .
  3. انتشار موقعك او رابط مدونتك علي محركات البحث .
  4. نسبة الـ CTR او نسبة ظهور موقعك في محركات البحث والناس بتدخل عليها ولا بتتجاهلها !
  5. وغيرهم كثير .. 



5 - أضف موقعك الي محركات البحث :


في طريقة علمية بسيطة قد يعلم بها الكثير وهي تقديم موقعك الي كافة محركات البحث او الي محركات البحث الكبيرة ، وذلك في محاولة منك الي سرعة ارشفة مدونتك فاذا كنت تحاول ان تجعل مدونتك سريعة الارشفة قدم رابط مدونتك الي محركات البحث و لكن احذر ان تقع في مشاكل مع محركات البحث و هي عن طريق اعادة تقديم رابط موقعك اكثر من مرة . 
مرة واحدة تكفي لان تقدم رابط مدونتك و كفي ، فكلما حاولت اعادة تقديمه بالتالي انت تسبب لمحركات البحث الكثير من الازعاج و قد يأتي هذا بنتيجة عكسية ، مما قد يعرض مدونتك الي الوقوع في " المواقع المعاقبة " .
يمكنك ان تقدم من خلال هذا الرابط : 



6 - انشئ خريطة لموقعك و قدمها الي جوجل :


في شرح سابق شرحت قبل كدة ايه خريطه موقعك وايه اللي هتستفيده من انك تعمل خريطة لجوجل وتقدمها لمحركات البحث .

محركات البحث بتحاول تفهم موقعك عن طريق ملف اسمه sitemap ودة اللي بيوصل كل جديد عن موقعك لمحركات البحث .

سواء انت عدلت موقعك او اضفت مواضيع جديدة او مسحت مواضيع قديمة وهكذا ..

حاول تقرأ أكثر عن الموضوع دة وانا هسيب لك الرابط هنا عشان تقرأ عنه أكثر وازاي تعمل خريطة وتقدمها لمحركات البحث .





7 - الموقع الأسرع ، يعادل ارشفة اسرع :

ايوة بقي !!

دة السبب الأهم في اللي فات ده كله ، او تقدر تقول اكثرهم أهمية من وجهة نظري ..

عناكب البحث بتحاول تساعد الـ user او الزائر علي قد ما تقدر انها تقدم له افضل مواقع و أفضل نتائج بحث .

وعشان كدة عناكب البحث بتحب انها تؤرشف المدونة السريعة وتديها تقييم أعلي ودة عشان الزائر مش هيمل في تصفح الموقع دة .

زي ما قولت قبل كدة ، عناكب البحث مش هتحبك لو كان محتوى مواضيعك مش حصري وجديد ، كمان مش هتحبك برضه لو موقعك مش سريع .


وهنا كتبت لك موضوع قبل كدة ازاي تخلي مدونة بلوجر سريعة و خفيفة ومحركات البحث تحبك وبالتالي هتقدر تعمل تسريع مدونة بلوجر لنفسك او لو حتي مش مدونة بلوجر .

ملحوظة عن تسريع أرشفة مدونتك :

لو كنت بتهتم انك تحصل علي تسريع مدونة بلوجر الخاصة بيك ياريت تذاكر كويس اللي قولته فوق .

واوعي تنسي شوية حاجات بسيطة :


  • المحتوي - هات محتوى جديد و ابتكر اسلوب جديد في طريقة العرض .
  • المحتوى تاني مرة ، المحتوى هو الملك يا وحش .
  • صحيح الباك لينك مهم بس مش هو كل حاجة ، اهتم بالمحتوى أكثر .
  • اهتم بمواقع التواصل الاجتماعي وابني مجتمع علي مواقع التواصل واتواصل اكثر مع الناس هناك .
  • اهتم اهتم اهتم بسرعه موقعك ، لازم يكون الموقع خفيف وسريع ودة اتكلمنا فيه في موضوع خاص بيه .
في الأخير ، انا زيي زييك بحب أتعلم .. عشان كدة لو شوفت ان انا قصرت في حاجة معينة تقدر في التعليقات تكلمني عشان انا هبقي مبسوط بتواصلك معايا 
قول كل اللي في نفسك وعرفني ايه الغلط اللي ممكن اكون عملته عشان استفيد منه وغيرك كمان يستفيد .
لو عجبك المقال ياريت تدي له شير بالحب بقي :D 

هناك 3 تعليقات:

  1. رايك ايه فى
    http://www.radyaa.com/

    ردحذف
  2. شكرا اخي

    http://www.zoalmjnon.blogspot.com/

    ردحذف
  3. بارك الله فيك
    http://mikrotik2u.blogspot.com/

    ردحذف