أرشفة بلوجر بطريقة سليمة - خطوات لـ تهيئة مدونات البلوجر
كيفية أرشفة مدونات بلوجر بطريقة سليمة
بتعاني من مشكلة ارشفة مدونة بلوجر وبتدور علي كيفية أرشفة مدونات بلوجر بطريقة سليمة !!
انت في المكان الصح
هنساعدك تعمل بشكل سليم " ارشفة المدونة في محركات البحث "
الطريقة أو ( الاستراتيجية ) اللي هنتعلمها النهاردة فعلاً هي طريقة ناجحة جداً و سبق جربتها قبل كدة كثير وهي الطريقة السحرية اللي محدش هيقولك عليها غالباً واللي أنا بستخدمها لموقعي .
بس قبل ما تكمل قراءة ، انت محتاج تفتكر حاجة واحدة بس ..
سرعة الأرشفة بتعتمد علي سرعة الزحف ( او معدل زحف عناكب جوجل ) للمحتوى بتاعك او محتوى موقعك .
ودة معناه ان كل ما يكون معدل الزحف علي موقعك اسرع هيكون ارشفة موقعك أسرع .
هتقدر تتحكم في سرعة أرشفة موقعك من خلالك انت ، دة مالوش علاقة بأي عامل تاني غير نفسك .
الخطوة دي مهمة جداً عشان تقدر تحصل علي سرعة في ارشفة بلوجر او ارشفة مدونتك اي ان كانت لازم تعرف الخطوة دي كويس .
الخطوة دي بتهتم بأخطاء موقعك في Google Search Console
انت في المكان الصح
هنساعدك تعمل بشكل سليم " ارشفة المدونة في محركات البحث "
الطريقة أو ( الاستراتيجية ) اللي هنتعلمها النهاردة فعلاً هي طريقة ناجحة جداً و سبق جربتها قبل كدة كثير وهي الطريقة السحرية اللي محدش هيقولك عليها غالباً واللي أنا بستخدمها لموقعي .
بس قبل ما تكمل قراءة ، انت محتاج تفتكر حاجة واحدة بس ..
سرعة الأرشفة بتعتمد علي سرعة الزحف ( او معدل زحف عناكب جوجل ) للمحتوى بتاعك او محتوى موقعك .
ودة معناه ان كل ما يكون معدل الزحف علي موقعك اسرع هيكون ارشفة موقعك أسرع .
هتقدر تتحكم في سرعة أرشفة موقعك من خلالك انت ، دة مالوش علاقة بأي عامل تاني غير نفسك .
في البداية لازم تعرف اذا كان موقعك تم أرشفته ولا لاء ، وهنعرف ازاي ؟!
من خلال الصورة دي بتوضح ان بيتم أرشفة الموقع في جوجل ودة بيحصل عن طريق انك تروح علي موقع جوجل وتكتب :
site:yoursite.com
في البداية عشان يتم أرشفة سريعة لموقعك في هنا حاجتين :
أرشفة موقعك بلوجر :
1- توثيق موقعك في Google Search Console :
2- قدم خريطة موقعك في جوجل :
طريقة تقديم خريطة بلوجر الي أدوات مشرفي المواقع
ونتكلم في هذا الموضوع عن طريقة اضافة خريطة مدونة بلوجر الي أدوات مشرفي المواقع جوجل وهي طريقة سهلة وتساعد جداً في أرشفة مدونات بلوجر . تابع الموضوع من هنا
3- اربط موقعك بـ Google Analytics :
عشان تقدر تدمج موقعك او مدونتك مع احصائيات جوجل ، انت محتاج تروح علي موقع : Google Analytics
من هنا هتقدر تضيف موقعك او تعمل حساب جديد وتضيف موقعك
هنروح لموقع احصائيات جوجل وبعدين ندوس علي set up زي الصورة
زي ما هو في الصورة نختار اسم الأكونت وليكن معهد الأرشفة او اي اسم موقعك مثلاً ..
بعدها نختار web ثم ندوس Next
نكمل كما في الصورة ، اسم الموقع ثم الرابط ونتأكد من http او https ثم تصنيف الموقع واختيار وقت صاحب الموقع ثم create
نعلم علي العلامات مثل الصورة وندوس علي I Accept
أهم خطوة ناخد الكود في الصندوق الأزرق ونضعه في موقعنا
4- اربط موقعك بمواقع التواصل الاجتماعية :
لما تعمل حسابات لموقعك علي مواقع التواصل الاجتماعي دة بيساعد موقعك انه يتم أرشفته بسهولة ، ودا زي ما وضحت قبل كدة ان مواقع التواصل الاجتماعي بيكون عليها عناكب بحث كثيرة
مواقع التواصل الاجتماعي زي :
- موقع الفيس بوك
- موقع تويتر
- موقع لينكدان
5- حاول تاخد باك لينك لموقعك من مواقع نفس تخصصك :
اكتشاف طرق جديدة انك تجيب عناكب بحث لموقعك دة هيفيدك وهيساعد موقعك لأن من خلال مواقع تانية بيتم أرشفتها
في الوقت اللي بيتم فيه أرشفة المواقع دي بيوصل لموقعك عناكب البحث عن طريق مواقع تانية في نفس التخصص
ودة بيزود قيمة موقعك في محرك البحث وبالتالي بيديك أحقية في الحصول علي ارشفة سريعة و زيادة ثقة لمحركات البحث لموقعك.
6- اهتم بملف الروبوت لموقعك Robot :
تهيئة ملف الروبوت Robot لمدونة بلوجر
تهيئة ملف الروبوت هي طريقة مبتكرة من جوجل بلوجر حيث انها في التحديثات الاخيرة اضافتها جوجل الي مدونة بلوجر و هي طريقة عبارة عن وضع مجموعة من الأكواد هذه الأكواد تساعد في اعطاء العناكب " عناكب البحث " مجموعة من الأوامر الخاصة بالأرشفة حيث انك تحجب ما تشاء من روابط و تعطي ما تشاء من تصريحات لعناكب البحث لأرشفة مدونتك بشكل أسرع و شكل أسهل .. و هذا بدوره يجعل موقعك صديق لمحركات البحث .. تابع الموضوع بتفصيل أكثر من هنا :
أرشفة التدوينات الجديدة :
1- قدم محتوى جديد و حصري :
المحتوى .
ثم المحتوى ثم المحتوى ، دايماً اهتم بالمحتوى انه يكون حصري وجديد واتعب عليه ..
محركات البحث لما تلاقيك بتقدم محتوى جديد كل فترة و محتوى حصري وبيفيد الزوار بتوع موقعك بيبدأ محركات البحث تهتم بيك أكثر وتديك أهمية كبيرة .
محركات البحث بيهمها في المقام الأول ، الزائر او الـ user لو انت قدرت تهتم بالزائر كويس ، محركات البحث هتحبك وتشيلك فوق راسها .
اربط دايماً بين الزائر وبين محرك البحث ، محرك البحث بيعتبر الزائر هو رقم 1 عندها ..
شوف ايه اللي بيبسط الزائر !!؟
من الحاجات اللي هتخلي الزائر مبسوط انك تقدم له محتوى هادف ومميز وجديد ودايماً مستمر في تقديم المحتوى .
2- اربط مواضيع مدونتك كلها ببعض :
فوائد الربط الداخلي للمدونة - الروابط الداخلية بـ بلوجر
الروابط الداخليه بتفيد الموقع لأنها بتربط المواضيع ببعض ومن خلالها انت بتقدم تجربة مفيدة للزائر ولمحركات البحث
دة من خلال انك بتعرض للزائر مواضيع تانية متعلقة بنفس التخصص للزائر انه يقرأها ، و كمان بتعرض محتوي تاني لمحرك البحث انه يأرشفه .
الروابط الداخليه بتفيد الموقع لأنها بتربط المواضيع ببعض ومن خلالها انت بتقدم تجربة مفيدة للزائر ولمحركات البحث
دة من خلال انك بتعرض للزائر مواضيع تانية متعلقة بنفس التخصص للزائر انه يقرأها ، و كمان بتعرض محتوي تاني لمحرك البحث انه يأرشفه .
دة هيساعد عناكب البحث انها تكتشف مواضيع تانية داخل مدونتك ، كمان دة هيزود فرصة تقييم اعلي لموقعك من قبل محركات البحث و خصوصاً البيج رانك لموقعك . تابع الموضوع و معلومات أكثر من هنا
3- اعمل اقسام داخلية للمدونة :
لما تعمل اقسام داخلية للمدونة دة بيساعد الزائر ومحرك البحث انهم يفهمو اكثر عن structure او ترتيب موقعك او انت ازاي بتفكر !
ترتيب محتوى موقعك لو تم تصنيفه داخل اقسام داخلية دة هيفيد موقعك من ناحية محركات البحث ودة هيخلي الزائر كمان يحب يتصفح موقعك لأنه منظم أكثر .
4- اعمل شير للمدونات الجديدة علي مواقع التواصل الاجتماعية :
من عوامل سرعة ارشفة مدونة بلوجر انك تنشر كل جديد تدويناتك علي مواقع التواصل الاجتماعي ..
خليك دايماً متعود تنشر الجديد من مدونتك علي مواقع التواصل الاجتماعية .
انشر كل التدوينات الجديدة علي مواقع التواصل الاجتماعي ، وياريت لو تقدر تعمل paid ads علي مواقع التواصل الاجتماعي للمحتوى اللي انت حاسس انه جديد ومتعوب عليه .
انت من خلال الإعلانات بشكل خاص و مواقع التواصل الاجتماعي بشكل عام ، بتقدر تجتذب ليك زوار مهتمين بموقعك .
في حالة ان الزائر لو دخل موقعك واهتم بالمحتوي اللي انت بتقدمه ، صدقني الزائر هيحب موقعك وهيجي له في زيارة تانية وممكن كمان يعمل لك follow علي مواقع التواصل الاجتماعية بتاعتك ويبدأ يتابعك
ودة معناه انك كسبت متابع جديد ليك و بالتالي عناكب البحث او محركات البحث لما بتلاحظ ان الزوار بيهتمو بموقعك بتبدأ تدي ترتيب عالي لموقعك ودة هيفيدك من حيث سرعة ارشفة مدونة بلوجر الخاصة بيك او انك تاخد Rank عالي في محركات البحث .
5- اهتم بسرعة موقعك :
سرعة الموقع هي العامل الوحيد والأول في ان الزائر ومحرك البحث ( الاثنين ) يكملو في موقعك ولا لاء !
لو كان موقعك بيحتوي علي صور كثيرة و كمان الموقع نفسه سرعته كبيرة ، هياخد وقت كبير في التحميل
وبالتالي موقعك مش هيكون عامل جذب للزوار ، فيه زوار كثيرة هتبدأ تهرب من موقعك وبالتالي انت هتخسر
العملية دي محركات البحث وخصوصاً جوجل بتقدر تقيسها عن طريق حاجة اسمها Bounce Rate
او عملية الارتداد ، جوجل بتعرف الزائر قضى وقت كام في موقعك وبالتالي انت لو مش مناسب للزائر دة معناه تقييم سئ .
خليك حريص اكثر ان سرعة الموقع تهمك انت بشكل شخصي وعشان الزائر كمان يحب الموضوع دة .
6- قدم محتوى جديد كل فترة :
في كل مرة هيجي الكلام فيها عن المحتوى هقدم لك نصيحة انك دايماً موجود هنا عشان تقدم محتوى .
اوعي تكتب موضوعين او 3 وخلاص وانتهى !!
دايماً ابهرني وابهر كل زوارك عن طريق المحتوى الجديد ، جدد من محتواك حتي المحتوى القديم حاول دايماً تعمل له update او تجديد .
ماتنساش ان محركات البحث بتهتم جداً بتجربة الزائر ، والزائر لو دخل عندك بعد فترة ولقي انك بتهتم بالمحتوي وبتنزل محتوى جديد هيبدأ يدخل ويستمتع بالموقع بتاعك
ويبدأ يقرأ اكثر في موقعك وبكدة جوجل ومحركات البحث هيدولك تقييم أعلى .
دابماً لما تيجي لمرحلة الإبهار ، حاول تخليك بتقدم المحتوى لنفسك الأول
ابهر نفسك من خلال محتوى قوي ، واتعب ع المحتوى :)
7- اهتم بأخطاء جوجل :
الخطوة دي بتهتم بأخطاء موقعك في Google Search Console
ملحوظة قبل البدء في أي تعديلات :
لابد ان تأخذ نسخة احتياطية من قالب بلوجر
قبل البدء في أي خطوة أذكركم انه يجب عليكم ان تأخذو نسخة احتياطية من القالب و لمعرفة المزيد عن هذا الموضوع فقط قم بزيارة هذا الموضوع
ليست هناك تعليقات:
إرسال تعليق